Botulismo
Botulismo (de Latina vorto Botulus, "sociso"[1]) esas rara e potenciale mortala morbo produktata da toxino de la bakterio Clostridium botulinum. La morbo komencas kun febleso, trubli por vidar e por parolar, feblesi en la brakii, en la pektora muskuli ed en la gambi. Ta morbo ordinare nek afektas koncio, nek produktas febro.[2]
La bakterio Clostridium botulinum esas anaerobia, to esas, ol vivas sub poka oxo. Lua spori povas transvivar en kontaminita nutrivi e produktar la toxino. Kande on manjas ta nutrivi, la toxino absorbesas en l'intestino e produktas la morbo. Anke povas eventar kontamino per l'uzo di injektebla drogi kun aguli kontaminita. Pueri evante min kam 6 monati povas developar botulismo se li manjos la spori di C. botulinum, exemple tra kontaminita mielo.
La toxino dil Clostridium botulinum esas un ek la maxim potenta konocata. Morti povas eventar en 5% til 10% de la kazi. La toxino destruktesas per la varmigo di nutrivi e di objekti kontaminita dum plua kam 5 minuti sub temperaturo di 85 °C o pluse. Botulismo povas afektar mult altra animali. La bakterio ne transmisesas direte de ula persono ad altru.
Referi redaktar
- ↑ A Latin Dictionary - URL vidita ye 9ma di junio 2014.
- ↑ Botulism Fact sheet N°270 - Publikigita da World Health Organization. Dato di publikigo: agosto 2013. URL vidita ye 24ma di februaro 2014.