La divido duris til mayo [[1955]], kande la Kontrato pri Austriana Stato signatesis, ed Austria riganis nedependo. Ta yaro, pos yari di rikonstrukto, l'Opero e la ''Burgtheater'' riapertis lia pordi a la publiko. En oktobro, Austria deklaris su neutra, e pos ta deklaro, Sovietiana trupi fine foriris la lando.
Pos la represo a lakontre [[Hungara revoluciono di 1956]], Wien recevis multa fuginta Hungari, e la sama eventis en 1968, kande ol recevis fuginta [[Chekoslovakia|Cheki e Slovaki]] pos la represo a la [[Printempo di Praha]]. En 1965 l'urbo selektesis por gastigar la sideyo dil [[ONEP]]. Dum la [[yari 1970ma]], lora kancelero [[Bruno Kreisky]] inauguris la Centro Internaciona di Wien (''Vienna International Centre''), komplexo di edifici qui esas sideyo di la Kontoro dil Unionita Nacioni en Wien (UNOV). En 1995 Austria divenis membro dil [[Europana Uniono]] e signatinto di la [[Konvenciono Schengen]].
