Henry la 1ma di Anglia: Diferi inter la revizi

▲'''Henry 1ma''' esis rejo di [[Anglia]] e duko di [[Normandia]].

▲Henry asumis la rolo di rejulo di Anglia en agosto 1100 ye la morto di lua fratulo [[William 2ma di Anglia]]; lua altra fratulo Robert, qua esis plu olda kam Henry ed expektis divenar rejo, esabis ye la unesma [[krucomilito]] depos 1096; ye lua retroveno a Normandia en septembro 1100, Henry recente esis kronizita. La disputo inter la fratuli, qua inkluzis invado di Anglia da armeo di Robert, finis kande Henry invadis Normandia. Ye [[28 di septembro]] [[1106]], Henry vinkis sua fratulo Robert ye la batalio di Tinchebrai, en Normandia, e tale divenis duko di Normandia. La batalio esis kurta ed esis nemulta vunditi e morti: forsan 100-200. Pos lua vinkeso, Robert esis duktata ad Anglia e dum-vive enkarcerigata; il mortis en 1134.

▲Henry 1ma mortis en St Denis-le-Fermont, proxim [[Rouen]], ye [[1 di decembro]] [[1135]] evante 67 yari. Il ne havis maskula heredanti depos ke lua filiuli William e Richard mortabis en naufrajo dum voyajo de Normandia ad Anglia en [[1120]].

▲Henry 1ma volis ke lua filiino [[Matilda di Anglia|Matilda]] esez rejo. Tamen lua nevulo [[Stephen di Anglia|Stephen]], voyajinte a London de sua domeno en [[Boulogne-sur-Mer|Boulogne]] ye l'informeso pri la morto, ganis suficanta suporto por prenar la trono ye [[22 di decembro]]. Ilua regno ne esis sekura; Matilda divenis rejino dum plura monati en [[1141]] ma Stephen riganis la trono. La sequanta rejo, pos la morto di Stephen en [[1154]], esis la filiulo di Matilda, [[Henry 2ma di Anglia|Henry]], komto di [[Anjou]].