Lucius Papirius Cursor

Lucius Papirius, surnomizita Cursor pro lua rapideso per kuro, persuadesis, ke, kom konsulo, il departabis sub mala presigni por kombatar la Samniti, ‘itaque’ lu retrovenis a Roma por konsultar itere la auspicii ; dum lasar a Fabius Rutilius la komando dil armeo, lore il interdiktis strikte à lu komencar la lukto kontre l’enemiki. Ma Fabius trovas okaziono oportuna, e facas kombato. Papirius, retroveninte, volis frapigar il per la hakilo-puniso ; Fabius fugas a Roma, ed imploras, ma vane, la susteno dal triboni. Fine, la lakrimi di lua patro e la supliki dal populani sucesis obtenigar indulgo por ilu. Papirius vinkis la Samniti. Ita Papirius ipsa pos expresir a la pretoro di Praeneste la reprochi maxim ofenseganta klameskis : « Ho liktoro, prontigez la hakili. » E vidante la pavoro quan produktis a ca pretoro la timo dil morto, il saciesis per tranchigar radiko deskomoda a la promenanti.

Ica pagino uzas kontenajo de la revuo Kuriero Internaciona numero 4 – 2012/2013, publikigita sub la Creative Commons Licence 2.0.