|
[[Arkivo:ZLB-Berliner_Ansichten-Januar.jpg|thumb|left|250px|Mapo di Berlin en 1688.]]
La [[TridekTriadek-yara milito]] ([[1618]] til [[1648]]) devastis Berlin. Un triimo di lua domi sofris domaji o destruktesis, e l'urbo perdis un duimo di lua habitanti. [[Friedrich Wilhelm, elektanto di Brandenburg]], qua administris de [[1640]] til lia morto en [[1688]], komencis programo por incentivar l'enmigro e religiala tolero. Kun Potsdam-edikto en [[1685]] ilu permisis [[Hugenoto|Hugenoti]] de [[Francia]] establisar su en l'urbo. Ja en [[1700]] cirkum 30% dil habitantaro esis Franci, pro l'enmigro di Hugenoti. Altra enmigranti arivis de [[Bohemia]], [[Polonia]], e [[Salzburg]].
Pos [[1618]] la princio di Brandenburg e la dukio di Prusia esis en personala uniono. En [[1701]] la du stati unionis por formacar [[Prusia]], kande Friedrich 3ma, elektanto di Brandenburg, kronizis su kom [[Friedrich 1ma di Prusia]]. Pos ta ago, l'urbo komencis kreskar, ed en [[1709]] ol unionesis kun quar urbeti (Cölln, Friedrichswerder, Friedrichstadt e Dorotheenstadt), sub l'unika nomo di Berlin.
Berlin esis chef-urbo di [[Prusia]] de [[1701]] til [[1918]], de [[Germanian imperio]] de [[1871]] til [[1918]], de [[Weimar Republiko]] de [[1919]] til [[1933]] e de la [[Triesma Reich]] de [[1933]] til [[1945]]. Dum la [[1920a yari]] ol esis la 3ma maxim granda municipo dil mondo.
PosBerlin sufris granda destruktado dum la [[Duesmaduesma mondomilito]]. Granda parto dil urbo destruktesis dum la bombardi de 1943 til 1945, e dum [[Berlin-batalio]]. Cirkum 125,000 civili mortigesis. Pos finar la milito l'urbo recevis granda nombro di refujinti de l'anciena estala provinci di Germania. Berlin dividesis (quale Germania) aden quar sektori: [[Britania]]na, [[Francia]]na, [[Usa]]na e [[Sovietia]]. La tri unesma sektori formacis ensemble West-Berlin; la lasta esis Est-Berlin.<ref>{{cite web|url=http://www.fdrlibrary.marist.edu/psf/box31/t297c01.html|title=Agreement to divide Berlin|work=FDR-Library|accessdate=18 di agosto 2008}}</ref>
[[Arkivo:Berlinermauer.jpg|thumb|220px|[[Berlin-murego]] en 1986.]]
| 