Tullus Hostilius: Diferi inter la revizi

'''Tullus Hostilius''' esis la triesma rejulo di Roma (-673,-641). Il preiris [[Ancus Marcius]]. Mem plu kombatema kam [[Romulus]], Tullus, de Romana origino, esis la nepoto di Hostilius, ilqua esis Romana heroulo dil unesma milito kontre la Sabinani. Il sucedis la Sabinano Numa, quankam il havis nula qualeso simila a lu. Lua regno markizesis per la lukto di Roma kontre Alba Longa, olqua esis lua metropolo e pose divenis lua vasalo pos la kombato inter le Horatius e le Curiata dum quo un de le Horatius vinkis la Albana tri fratuli Curiata. Lor la fino dil regno di Tullus, Alba qua esabis rebela rezigesis e lua habitanti deportesis a Roma. Ita militema rejo vinkis anke la Veiani e la Fidenani. Il plugrandigis sua urbo per enkorpigar ad ol la monto Coelius. Pro ke Tullius iracigis la dei kontre su konseque di neexaktajo en la rituaro pri sakrifiko, Jovo lansis fulmino adsur lua palaco. Lor lua morto, segun la tradiciono, onu nominis erste interrejo, pose la populo elektis kom suvereno Ancus Marcius (-640), nepotulo di rejo [[Numa Pompilius]] per lua matro segun [[Titus Livius]] (e samatempe nepotulo di Numa Marcius, qua esis l'unesma pontifiko nominata da Numa Pompilius).