Jacques Cartier: Diferi inter la revizi

Il voyajis a [[Nord-Amerika]] en [[1534]]. La voyajo esis komiso di la rejulo di Francia, [[François 1ma]] "por deskovrar ula insuli e landi ube, on dicas, granda quanto de oro ed altra precozaji esas trovenda". Ca komiso esis asignata ye 19 di marto 1534, kelka yari pos ke [[Bretonia]], ube Cartier naskis, esis unionita kun Francia.

Ye [[10 di mayo]] 1534, duadek dii pos departo de Francia, il atingis Kabo Bonavista, ye la nordo di [[Nov-Lando]]. Il segliris alonge la norda e westa litori di la insulo; ca regiono esis ja konocata da Bretona peskisti.

Dum explorado di la Gulfo di St Lawrence, per du navi, il komercis kun la indijena populo di la loko: kun le Mikmak ye la Baie des Chaleurs (tale nomizata da Cartier); la komercajo esis furaji. Plu tarde dum la voyajo il renkontris grupo di le Iroquois. En septembro il retrovenis a Francia. Il pose voyajis du-foye a ca regiono di Nord-Amerika; la lasta voyajo esis abortala esforco di koloniizo.