Historio di cienco e teknologio en Chinia

Historio di cienco e teknologio en Chinia esas longa e richa kun multa kontributaji por cienco e por teknologio. En Antiqueso, nedependante del Grekiana filozofi e de altra civilizuri, la Chiniana filozofi facis grava avanci en la feldi di cienco, teknologio, matematiko ed astronomio. L'unesma observi enrejistrita di kometi, sunala eklipsi e supernovi venas de Chinia. Anke praktikis tradicionala Chiniana medicino, akupunturo e herbala medicino.

Metodo por elaborar instrumenti di astronomiala observado en l'epoko di la Dinastio Qing.

Inter l'unesma Chiniana inventi trovesas l'abako, l'unesma fluganta mashini, kom kaiti e cielala lanterni. La quar granda inventi di l'Antiqua Chinia: busolo, pulvero, papero ed impreso trovesas inter la maxim grava teknpologiala avanci, konocita en Europa dum la fino di Mez-epoko. Partikulare, l'epoko dil Dinastio Tang (618-906) esis di granda novigado, dum ke la maxim parto di kambio inter Ocidento ed Europa okazis dum la periodo dil Dinastio Qing. La jezuita misioni en Chinia en la 16mae 17ma yarcenti introduktis Ocidentala cienco ed astronomio, qua esis havanta lua propra revoluciono, en Chinia. Egale, la konocado di Chiniana teknologio esis portita ad Europa. Granda parto di ocidentala studio pri historio di cienco en Chinia facesis da Joseph Needham.