Porcelano: Diferi inter la revizi

'''Porcelano''' inventesis en [[Chinia]]. On komencis produktar porcelano cirkume du yarmil ante nun. Por Europani la sekreteso di fabrikar porcelano detekteskis erste la [[18ma yarcento]].

La L'unesma ceramika objekti produktesis en la [[Valo dil Flava Fluvio]] dum la [[Zhou-dinastio]] cirkume ([[1120 aK]] – [[249 aK]]). La produkto dil precipua porcelano komencis dum la [[Han-dinastio]] cirkume ([[206 aK]] – [[221 pK]]), kande on facis nigra- e verda-glezita porcelano. Dum la [[Tang-dinastio]], cirkume ([[221]]–[[681]]), Chiniani deskovris marala voyo ad [[India]], [[Persia]] e la [[For-Esto]], e verda-glezita porcelano divenis tre demandita exportacajo.

Ye la fino di la Tang-dinastio, on komencis produktar anke blanka objekti porcelana. Por la produkto di diversa poti, vazi, eskudeli, edc., on uzeskis la maxim delikata blanka argilo, nome, [[kaolino]]. Dum la [[Song-dinastio|Song-]] e [[Yuan-dinastio]] ([[960]]–[[1368]]) la parkoquala e glezala tekniko developesis, ed en la manui dil habila ceramikistin naskis klasika porcelan-objekti. La formo, glezuro ed ornamenti suportis una l’altra. Dum la Yuan-ero on komencis uzar figurativa e ornamentala motivi. La kolori esis blua e reda.

Ye komenco dildi [[Qing-dinastio]] ([[1644]]–[[1911]]) on exportacis ad [[Europa]] tre multa Chiniana porcelano. Anke la qualeso dil produkturi pluboneskis. Dum la [[17ma yarcento]] Europani konoceskabis [[kafeo]] e [[teo]], qui ne esis konvenanta drinkar per metala kupi. Pro to, on komencis exportacar de Chinia anke kafeala servici, qui esis en formo Europala ma en ornamenturi Chiniana. On prenis la modelo por la porcelana objekti de arjenta objekti [[baroko|barokala]]. Generale la porcelana objekti esis blua-blanka ma on produktis anke multakolora vazi, poti, kupi, e pleti.