Versiono ye 09:26, 31 jul. 2023 redaktar DavidW (diskutez \| kontributadi) 2 543 redaktoj Nula rezumo di redakto ← Plu anciena versiono		Versiono ye 13:06, 31 jul. 2023 redaktar desfacez DavidW (diskutez \| kontributadi) 2 543 redaktoj Nula rezumo di redakto Etiketo: Desfacita Plu recenta versiono →
Lineo 1: <center>'''en historio'''<br> dum agosto<br>50, 100 e ~~200~~150 yari ante nun …</center> [[3 di novembro]] [[1973]]. La Usana spaco-probilo ''[[Mariner 10]]'' lansesis; ol destinesis atingar la planeto [[Merkurio]], unesmafoye di irga probilo. Ye 5 di februaro 1974 ol pasis la planeto [[Venuso]], prenante fotografuri e studiante la atmosfero. La probilo utiligis la graviteso di Venuso por guidar su ye apta voyo vers Merkurio. Ol pasis Merkurio unesmafoye ye 29 di marto 1974; duesme, pos orbito cirkum la suno, ye 21 di septembro di ta yaro; triesme, e maxim proxime, 327 km de la nordala polo, ye 16 di marto 1975. Ol prenis plu kam 2800 fotografuri di la planeto, kovrante 40% di olua surfaco, qua aspektis quale la surfaco di la luno. La instrumenti di la probilo deskovris tenua atmosfero e magnetala feldo. <br/><br/>▼ [[5 di agosto]] [[1973]]. Ye [[Kosmodromo Baikonur]], lansesis la kosmosondilo ''Mars 6''; lo esis parto di la [[Programo Mars]] di Sovietia. La skopo esis explorar [[Marso]], studiante la planeto dum preterpaso e per dolce atingar la surfaco. Arivinte ye 12 di marto 1974, la modulo qua atingus la surfaco separesis, e dum la decenso tra la atmosfero di Marso ol transmisis informeso (grandaparte ne-uzebla, pro falio di elektronikala elemento); pos 224 sekondi, komuniki tote cesis. La skopo di ''Mars 7'', lansita ye 9 di agosto 1973, esis la sama; ca misiono anke faliis, pro ke la separita modulo qua atingus la surfaco ne rekontris la atmosfero di Marso, preterpasante la planeto kun la altra modulo. [[8 di novembro]] [[1923]]. En [[München]], [[Adolf Hitler]] e multa adheranti di la [[Nazista Partiso]] atentis rebeleso ye biro-halo ube Gustav Ritter von Kahr, Statal Komisato di [[Bavaria]], diskursis a cirkume tri mil audanti. Hitler anuncis ke la halo esas cernita, e postulis a Kahr e lua kolegi ke li mustas sustenar la rebeleso. La nokto esis kaosatra: oficisti ed individui questionis sua loyalesi. Ye la morga dio la rebeli agnoskis sua vinkeso. Ye judicio, deklaresis ke Hitler esis kulpoza pro trahizo, ed il kondamnesis a kin yari en karcero. Pos non monati, dum qua periodo il skribis ''Mein Kampf'', il liberigesis. ▲<br><br> <br/><br/> ▼ [[2 di agosto]] [[1923]]. Ye la morto di Prezidanto [[Warren G. Harding]], [[Calvin Coolidge]] divenis la 30ma Prezidanto di Usa. Il naskis en [[Vermont]] ye 4ma julio 1872; il divenis advokato en [[Massachusetts]], ed en 1906 elektesis por la Republikana partiso kom membro di la legifantaro en [[Boston]]. Il esis Guvernanto di Massachusetts de 1919 til 1921. En 1919 esis striko di policisti en Boston, quon Coolidge sucesoze opozis; il divenis nacionale notenda, ganante reputo kom decidema duktanto. En 1921 il elektesis kom vice-prezidanto di Usa. 8 di novembro [[1873]]. La urbo [[Winnipeg]], en la Kanadana provinco [[Manitoba]], esis enkorpigata. Ca regiono esis antee la [[Kolonio di la Reda Fluvio]], qua esis establisata en 1811. En 1869 eventis rebeleso en la regiono: konflikto inter lokala provizora guvernado di le Métis, direktata da Louis Riel, e nova koloniisti de la esto. La rebeleso esis haltigata, quo duktis a la introdukto di Manitoba kom nova provinco di Kanada en 1870. ▲<br><br> [[14 di agosto]] [[1823]]. En [[Gent]], la kompozisto Karel Miri naskis. Il studiis muziko ibe ye la Rejala Konservatorio, e ye la Rejala Konservatorio di [[Bruxel]]. De 1857 il esis akademiano ye la konservatorio en Gent, ed in 1871 il divenis vice-direktoro. Il esis inter la unesma kompozisti qui kompozis operi di qui la libreti esis en la Nederlanda linguo. Il kompozis la muziko por la kansono "De Vlaamse Leeuw" (La Flandriana Leono), kun vorti skriptita en 1847 da Hippoliet Van Peene, qua kreis libreti por plura operi da Miri. En 1973 la unesma du stanci di la kansono oficale divenis la [[nacionala himno]] di [[Flandria]].

Shablono:Eventi: Diferi inter la revizi