Skudiero servas kavaliero ed akompanas lu, anke dum kombati. Ultre to, il portas la skudo, yen la nomo skudiero. Se pajo havis la justa qualesi ed esis sat forta, il divenis skudiero.

Skudiero lernis sorgar kavali e hundi, e helpis dum la chaso. Il anke lernis la kombat-arto, lukto ed uzar armi. Il esis korpale exercata (kun altra skudieri). Pos obtenir bona rezulto, la skudiero recevis frapeto per manuo sur la shultro e pos la mezepoko, per espado.