Skistargil-gaso

Skistargil-gaso esas naturala gaso extraktita de skist-argilo. Por atingar ce rokajo on devas borar horizontale til ke la roko-strato atingesas.

Pro ke borar ne suficas por liberigar la gaso, la bor-tunelo devas esar stimulata. To eventas per tekniko qua nomesas hidraulikala frakaso. To signifikas ke sub alta preso granda quantesi de aquo, sablo e kemiaji esas spricat aden la rokajo. Pro la granda preso la rokajo ruptas. La kreita fenduri esas tenat apertita per l'enspricita sablo. Ca mixuro de aquo e kemiaji esas ripumpata. Ca produktit aquo kunportas pezoza metali e naturale radio-aktiv elementi de la sub-sulo. To devas esar procedata quale kemiala reziduo. Parto del uzita kemiaji e fluidi restas en la rokajo.

La metodo di hidraulikala frakaso nur depos la fino di la 20ma yarcento esas uzata. La komercal extrakto de skistargil-gaso nur esas recenta. L'exploto de skistargil-gaso influos l'energio-merkati. L'Internaciona Energio-Agenterio prediktas ke Usa esos neto-exportacanto en 2035, vice importacanto de gaso pro la produkto de skistargil-gaso. L'oleo- e gas-industrio indikas l'alt expektaji di profito e sucesi, dum ke adversi restas indikante la danjeri.