Skógafoss
Skógafoss (pr. c. skouafos) esas aquofalo situita an la Rivero Skógá en sudala Islando, ye la klifi dil olima marbordo.
Pos ke la litoro regresis versmare (ol esas nun ye disto c. 5 kilometri de Skógar), la olima maro-klifi restis, paralele la litoro trans centi de kilometri, kreinte kun ula monti klara frontiero inter la litorala basalandi e la Altalandi di Islando.
Geografio
redaktarSkógafoss esas un ek la maxim granda aquofali en Islando, kun larjeso 15 metri ed alteso 60 m. Pro la quanto de sprico quan l'aquofalo ofte produktas, singla o duopla pluvarko esas normale videbla dum sunoza jorni. Segun legendo, l'unesma Vikingo-habitanto dil areo, Þrasi Þórólfsson, enterigis trezoro en kaverno dop l'aquofalo. La legendo duras ke lokani trovis la kofro yari pose, ma povis nur sizar la ringo an la flanko dil kofro ante ke ol ri-desaparis. La ringo supozeble donesis a la lokala kirko. L'anciena kirko-pordo-ringo esas nun en la Skógar-muzeo.
Ye la estala latero dil aquofalo, promeno-treko acensas a la defileo Fimmvörðuháls inter la glacieri Eyjafjallajökull e Mýrdalsjökull. Ol decensas a Þórsmörk ye l'altra latero e duras kom la Laugavegur-treko a Landmannalaugar.
En kulturo
redaktarSkógafoss esis la loko por la muziko-video di 2012 Fjara da Sólstafir, de lia albumo Svartir Sandar.
L'aquofalo esis loko por la filmo da Marvel Studios, Thor: The Dark World, ultre The Secret Life of Walter Mitty.
L'aquofalo uzesis kom un ek la loki dil kansono Gerua, en Bollywood-filmo di 2015 Dilwale kun aktori Shahrukh Khan e Kajol.
En sezono 5 dil The History Channel-serio, Vikings, la karaktero Floki vidas Skógafoss kande il deskovras Islando.