Santa Eulària des Riu

Santa Eulària des Riu (Hispana: Santa Eulalia del Río) esas urbo an la sudesta marbordo di la hispana insulo Ibiza.

L'urbo situesas an la strado PM 810. Santa Eulària esas la triesma maxim granda urbo sur la insulo ed anke havas l'unika rivero sur l'insulo qua fluas aden la maro ye la westala fino del urbo.

Geografio redaktar

L'urbo situesas 15 km nordeste de Ibiza-Urbo e 21,9 km del Aeroportuo di Ibiza. L'urbo jacas apud larja bayo kun la promontorio Punta Arabí ye l'estala fino del bayo. Anke ye l'estala fino de la bayo esas la nova portuo Port Esportiu qua esas plena de restorerii, butiki e drinkeyi.

L'urbo havas du plaji qui esas neta e havas milde inklinanta sablo ed esas ideala por yuna familii. Ye la westala fino del bayo esas la salianta kolino Puig d’ en Fita qua dominacas la peizajo. Sur la kolino esas apartamenti, hoteli e privata domi.