Ronda Turmo

Ronda Turmo (en la Dana: Rundetaarn o Rundetårn ) esas edifico en la Dana chefurbo Kobenhavn. La turmo kontenas la maxim ancien observatorio di Europa; ol ankore esas uzata.

La 34,8 metri alta turmo esas parto di la Trinitatis-edificaro (kun inter-altre la Trinitatis-kirko), qua esis konstruktita por studenti di Kobenhavn. L’edificaro anke havas biblioteko e kirko.

La spirala koridoro, 192 metri longa e 4,5 metri larja, ne havas gradi ma acensanta voyeto qua acensas adsupre per 7,5 vindi cirkum la vakua kerno. Olime ca voyeto iris til la astronomial observatorio, ma ta lasta parto nun havas eskalero.

Sur la muro avana di la turmo skribesas orizita rebuso, probable pensita da la rejo ipsa. La rebuso povas esar interpretata diferanta-maniere, ma on pensas ke skribesas: “Ke duktez Deo, la justa doktrino e yusteso aden la kordio di la kronizita rejo Kristian IV, 1642”.