Ica artiklo bezonas revizo da ula persono qua konocas ambe Ido, ed ica temo ciencala, teknologiala, matematikala, filozofiala, sportala, edc.
Ka vu povas helpar ni revizar ol?

Romana mitologio esas ensemblo di tradicionala naraci de antiqua Roma kun legendala origini, e lua religiala sistemo, quale reprezentita en Romana literaturo ed arto. Ol anke povas referar moderna studio di ta reprezenti.

La Romani traktis lua tradicionala naraci kom historiala, mem kande ti havis mirakla o supernatura elementi. La naraci ofte koncernis politiko e moralo, e quale la personala integreso di individuo rilatas a lua responso kun la komuneso o la Romana Stato. Heroismo esis grava temo. Kande la naraci mencionis Romana religiala praktiki, li koncernis plu pri rituali, auguri ed institucuri kam pri teologio o kosmogonio.

La studio dil Romana religio e mitologio esas desfacila, pro frua influo di Greka religio che Italiana peninsulo dum la komenco di la historio di Roma, e pro l'artala imitado di Greka literaturala modeli da Roman autori. Koncerne teologio, Romani identifikis lia dei kun olta dil Grekiani (interpretatio graeca) e ri-interpretis naraci pri Greka dei kun lia Romana kontre-parti. La frua miti e legendi di Roma anke havas dinamika rilato kun Etruska religio, min dokumentita kam olta dil Grekiani.

Quankam Romana mitologio mankas korpo di divina naraci tam extensa kom ta qui povas trovesar en Greka literaturo, Romulus e Remus suganta la volfino esas tam konocata kom ula imajo dil Greka mitologio ecepte la kavalo di Troya. Nam la Latina literaturo esi plu konocata kam la Greka dum Mezepoko ed en Renesanco, l'interpreti di Greka miti dal Romani ofte havis la maxim influo en naracala e piktala reprezenti di "klaika mitologio" kam Greka fonti. Specifika, la versioni di Greka miti en la "Metamorfosi" da Ovidius, skribita dum la regno da Augustus, esis regardita kom kanonala.