Reziduo-triturilo

Reziduo-triturilo esas aparato, ordinare havanta elektrala motoro, qua instalesas sub eviero inter la drenilo e la sifono, uzata por tranchar rezidui di nutrivi en mikra parti — ordinare min kam 2 milimetri — por esar transportata tra aquo-konduktili.

Moderna reziduo-triturilo (grize) instalita sub eviero por triturar rezidui.

Harda objekti introduktita en ol senintence o vole, exemple osti, kerni e metala kultelaro, povas domajar l'aparato e l'utensilo. Fibratra o starchatra rezidui, exemple folii di artichoko, emundo di terpomi ed altri povas obstruktar ol.