Probo di Romberg
Probo di Romberg esas simpl ed orientizanta nevrologiala probo. Ca probo exekutesas por explorar l'equilibreso di ulu, precipue kun problemi di ataxio. La probo nomesas segun la Germana nevrologo Heinrich Romberg.
exekutar la probo
redaktarLa kuracato esas pregata stacar rekte, pedi un apud l'altra e restar stacar senmove dum adminime duima minuto. Se to sucesas, lore pregesas itere prenar la sama posturo e klozar l'okuli e tale stacar senmove adminime un minuto.
La probo esas pozitiva se la kuracato ya sucesas stacar senmove kun okuli apertita ma ne kun okuli klozita. La probo esas negativa se la kuracato sucesas restar stacante senmove tam kun okuli apertita kam kun okuli klozita, o se la kuracato en amba kazi ne sucesas stacar senmove.
Por pozitiva probo di Romberg devas esar klara difero inter la situeso kun okuli apertit o kun okuli klozita.
La probo povas esar desfaciligata per stacigar la kuracato ne kun pedi un apud l'altra, ma un avan l'altra, talono kontre la pedo-fingri dil altra pedo. La kuracato anke povas esar distraktata dum la probo per extensigar la brakii rekte adavane, facar kalkulajo o facar altra (pens-)tasko.
La probo ne povas esar exekutata da homi qui esas blind o tre male vidanta.
skopo di la probo
redaktarPor equilibreso dum stacar importas kohero de faktori:
- Vido-povo (okuli) qui per okulo-nevro transdonas signi a la cerebro;
- Percepto di equilibreso (l'equilibr-organo) qua per l'okesma cerebro-nevro transdonas signi a la cerebro;
- la pozeso-percepto (spindeleti cirkum la muskuli ed altra sentili en l'artiki, ligamenti e faski): la sento de tenso en la muskuli e la pozeso di la korpo-membri, qui per la dopa kordoni en la dors-medulo transdonas informo a la cerebro;
- la cerebelo, ube omna informo ek ca tri sentili esas procedata.
La senco di la probo esas ke on esez kapabla equilibrar se adminime du ek tri sensi ed apartenanta nevri bone funcionas. Per klozar l'okuli la kuracato nur povas restar stacante se l'altra du sensi bone funcionas. Che tam perturbit equilibro-senso kam perturbita pozeso-percepto la probo esas pozitiva.
Se esas perturbo di equilibreso per perturbo di la cerebelo, lore ne importas ka l'okuli esas klozit o ne: la kuracata anke ne bone equilibras kun okuli apertita.
interpretar la probo
redaktar- Se la probo di Romberg esas pozitiva, tre probable existas perturbo en l'equilibr-organo o la sistemo di pozeso-percepto, o dil apartenanta nervi.
- Se esas problemo di equilibreso, ma la probo di Romberg esas negativa, do - se la kuracato anke ne sucesas stacar senmove kun okuli apertita, lore la kauzo di la problemo di equilibreso probable esas en cerebelo. Konocat exemplo di problemo di equilibreso dum la probo di Romberg esas ebrieso: la cerebelo esas tre sentiva por alkoholo.
La maxim frequa perturbo dum pozitiva probo di Romberg esas rekta lumbo-kanalo. Altra kauzi esas i.a.:
- Vitaminindijo, precipue vitamino B12
- tabeto (pro aceso di la medulo dorsala da sifiliso); hodie rare, ma dum la pasinta yarcneti la maxim precipua kauzo
- periferiala nevropatio (aceso di la nevri)
- ataxio di Friedreich
- morbo di Menière