Placebo

Placebo esas ne-efikiva farmaciala produkturo donita a kuracato vice vera medikamento, por asekurar su pri la reala efikemeso di ulo extere omna psikologiala determino.

Placebo-efekto esas la bona rezulto pro administro di ne-aganta substanco (farino o sukro exemple) a kuracato persuadita pri recevar vera medikamento. Ta lasta ne kontenas kemiala komposita nam demonstrita agiveso.

Ilu klarigas la mentala influo sur l'organismo, psikosomatismo e komplikas serioze l'evaluo di efiko por nova produkturi. To esas motivo pro ke la testi facesas per la metodo nominita tra dopla blinda. Ol konsistas ek kompozenda multi grupi en qua nek la kuracato nek la mediko savas se la produkto administrati es medikamento o placebo, posibliginta tale di havar objektiva opiniono pri la reala efekti di la molekulo studiata (ante l'aprobo di lua vendo, singla medikamento devas pruvar ke ol esas plu efikiva kam placebo).

Certa asertas en rezulti obtenita per homeopatio, akupunkturo e altra aromaterapio es nur ta fenomeno: l'efekto di ca terapii esas exkluzive subjektiva (vera efiko nultempe pruvesis per klinikala studii tra dopla blinda).

L’inversa efekto ank existas, to esas nocebo-efekto. Ulu traduktas su da l’aparo di trubli che riv-homi di relaya anteno di radiotelefonio, lore mem ke l'instalo ne havis ankore enservigo.