Perturbo dil emoco-stabileso

Perturbo dil emoco-stabileso (PES) anke konocata kom borderline-personaleso-perturbo, esas un de personaleso-perturbi mencionit en la DSM. La perturbo esas karakterizita da nenormala konduto qua expresesas per nestabila relati, nestabila su-imajo e forta humoro-chanji. Povas esar forta pavoro abandonesar, sento de vakueso, impulsiva konduto e su-mutiligo. Ca personaleso-perturbo povas komencar dum adolecanteso o frua adulteso ed expresas en plura domeni; kelkafoye ol amelioras dum oldesko. Tamen, de 8% til 10% ek l'individui kun ca perturbo povas suocidar.

La nomo "borderline" literale signifikas 'frontiero-lineo'. Plu frue supozesis ke la perturbo trovesis en la regiono inter nevroso e psikoso. Ca viziono chanjesis, e la nomo restis. En la psikiatrio pluse e pluse sustenesas la propozo chanjar la nomo a perturbo dil emoco-stabileso (PES) o simila nomo pro ke la nomo ''borderline'' ne esas klara.