Penny Lane

Penny Lane ("Penny-stradeto") esas kansono da le Beatles. Ol skribesis precipue da Paul McCartney ma oficale da la partenereso Lennon–McCartney. La liriki referas reala strado en Liverpool, Anglia.

Registragita dum la Sgt. Pepper-sesioni, "Penny Lane" aparis en februaro 1967 kom un facio di duopla A-facia disketo, kun "Strawberry Fields Forever". Ol rezultis de deziro dil kompanio a nova disko, pos plura monati sen nova Beatles-disko. Malgre ke la kansono ne atingis numero un en la rangi dil Unionita Rejio, ol tamen sucesis trans Europa. La kansono plu tarde inkluzesis en la Usana albumo, Magical Mystery Tour, ma ne aparis en la samnoma britana duopla "EP".

En 2004, la revuo Rolling Stone rangizis "Penny Lane" ye numero 456 en sua listo del 500 Maxim Bona Kansoni Omnatempe.

La titulo dil kansono derivesas de la nomo di strado proxim la infantala hemo di John Lennon dum lua unesma kin yari (9 Newcastle Road) en la hemurbo dil grupo, Liverpool, Anglia. McCartney e Lennon renkontradis che Penny Lane por abordar autobuso al urbo-centro. Dum la yari 1960ma, ico esis signifikanta autobus-termino di plura voyi, ed autobusi montranta "Penny Lane" ofte videsis en Liverpool.