Profesionala Asociuro pri Shakoludo

Profesionala Asociuro pri Shakoludo o PCA (de Angla Professional Chess Association) esis organizo kreita en 1993. Ol existeskis pro konflikto financiala inter FIDE e finalisti di konkurso pri championeso: Garri Kasparov e Nigel Short. Unesma championo exter FIDE divenis Kasparov, qua havis la titulo en yari 1993-2000. Tamen PCA existis nur til 1996, nam pro famoza konkurso en 1996 Kasparov kontre Deep Blue (komputero da IBM) precipua komanditero Intel cesis konsolidar l'asociuro.

En yari 1996-2006 championokonkursi eventis kom Braingames. Duesma championo exter FIDE esis Vladimir Kramnik, qua vinkinte Kasparov havis la titulo en yari 2000-2006.

En yari 1993-2006 FIDE havis ses propra championi (Karpov, Halifman, Anand, Ponomariov, Qosimjonov e Topalov), ma jus Kasparov e Kramnik esas konsiderata kom 13ma e 14ma mondochampiono pri shakoludo.

En 2006 eventis saneso di stranja stando per konkurso inter Topalov (Bulgara FIDE-championo) kontre Vladimir Kramnik (Rusa Braingames-championo). Vinko di Kramnik finis konflikto inter ambe l'asociuri.

Shakoludo-konkursi de yari 1993-2006 nominesas klasikala.