Onam

Onam esas la maxim granda e la maxim importanta festo-dii di la stato Kerala (India) . Ol esas la festo di rekolto en la stato Kerala. Ol esas nacioniala festo-dii depos la yaro 1961. La tota socio di Kerala festas tadie, do ne nur la Hinduisti. Segun la legendo, on festas por bonvenar la anmo di la rejo Mahabali, qua esas kredata vizitar Kerala dum ita festo-dii.

Onam festesas kustumale dum la fino di agosto o ye la komenco di septembro. Ol esas konsiderata kom la komenco di nova yaro segun la kalendario di kerala. La festo duras ofte 10 dii. La dio di Thiruonam esas la maxim importanta.

Celebrado

On festas Onam divers-maniere kun kansoni, danci, energioza ludi, konkursaji kun barki e floro-tapisi ( facita ek florala petali ). La Keralani facas omno en lua povo por invitar la anmo di Mahabali adheme. Homi kompras nova vestaji kom donacaji por parenti ed amiki. On kompras anke sukraji.

• 
  Tapiso di flori