Nellore
Nellore Montage.png
Diversa imaji pri Nellore.
Lando: Flag of India.svg India
Informo:
Latitudo: 14º26' N
Longitudo: 79º58' E
Altitudo: 18 m
Surfaco: 149,02 km²
Habitanti: 600 869 (2011)
Denseso di habitantaro: 4000 hab./km²
Horala zono: UTC+5:30
Urbestro: Abdul Aziz
• Nellore

Nellore Nellore esas urbo e chefurbo di Nellore-distrikto en la indiana stato Andhra Pradesh.

Ol situesas an la rivi di la Rivero Penna ed esas la quaresma maxim populoza urbo en la stato.

NomoRedaktar

Mitologiala rakonto de Sthala Purana montras lingamo forme di stono sub embliko. La loko gradope divenis Nelli-ooru ("Nelli" en Telugu signifikas "arboro" ed ooru en Telugu signifiikas "loko") e pose nunadia Nellore.

HistorioRedaktar

Nellore regnesis da le Chola, Pallava, Pandya, Maurya-dinastio, Kharavela di la Chedi-dinastio, Satavahana, Kakatiya, Estala Ganga dil Kalinga-Imperio, Vijayanagara-Imperio, Arcot Nawab, ed altra dinastii.

Nellore existis de la tempo di le Chola regnita da Rajendra Chola I sub Tanjavur-Mauryan-imperio e regnesis da Ashoka dum la 3ma yarcento aK. Nellore konquestesis da la Pallava-dinastio e regnesis da li til la 6ma yarcento, pose le Chola regnis Nellore dum longa periodo.

Le Telugu-Chola dekadis en la 13ma yarcento. Tamil-enskriburi indikas ke ol formacis parto di la Chola-rejio til ta tempo. Ol pose divenis parto de Kakatiya, Vijayanagara-imperio, Sultanio di Golconda, Mughal-imperio ed Arcot Nawab. En la 18ma yarcento, Nellore regnesis da Britania ed esis parto di la Madras-prezidanteso di Britana India.

La urbo havis importanta rolo en la emerso di la linguo Telugu e la formaco di la stato Andhra Pradesh. Potti Sriramulu, qua fastis tilmorte por la formaco di Andhra Pradesh, esis de Nellore.

KlimatoRedaktar

La klimato di Nellore-urbo esas tipala tropikala marala klimato, kun varmega, humida someri e milda vintri. Aprilo e mayo esas la maxim varma monati, e la varmeso ordinare duras til la fino di junio. Decembro, januaro e februaro esas la maxim kolda monati. Nam la Bayo di Bengal distas 24 kilometri del urbo, la maro-venteto moderas la klimato dil urbo e dum vintro, e dum somero. Humideso en l'urbo esas alta pro olua proximeso a la litoro. Nellore ne recevas la sud-westa musono. Pluvo en Nellore eventas inter la monati oktobro e decembro pro la nord-esta musono. Ta periodo provizas c. 60 procento de la yarala pluvo dil urbo. Cikloni esas frequa en la urbo dum ta periodo, produktanta inundi e devasto.

La maxima temperaturo esas 36°C til 46°C dum sumero e la minima temperaturo esas 23°C til 25°C dum vintro. Pluvo varias de 700 til 1000 mm pro sudwesta e nord-esta musoni. Nellore subisas e sikeso ed inundi segun la sezono. Ol esas anke un ek la maxim varma urbi en India kun adminime 35 supervarma dii singlayare.