Natura 2000 (anke: Natura2000) esas Europana retaro de protektata naturo-regioni sur la teritorio di la membro-stati dil Uniono Europana. Ca retaro esas la tush-stono di la politiko dil UE por la konservo e restauro di biologiala diverseso. Natura 2000 ne nur esas la protekto di regioni (biotopi), ma anke kontributas a protekto di sorti (e lia viveyi).

Fundo redaktar

La biologiala diverseso (richeso de sorti) en Europa ja dum yardeki diminutas. Pro to protekto de floraro ed animalaro por mult Europana stati esas parto di la politiko. En 2001 dum kunveno dil Europana Konsilistaro en Göteborg (Suedia) decidesis entamar kom Europana projeto la protekto di la naturo ante 2010. En 2004 publikigesis provizora listo de naturo-regioni, a qua juntesis dum la sequanta yari, mult altra regioni. Skopo esas ke la perdo de sorti de planti ed animali haltigesez en 2020 tam multe kam posible restaurita.

L'Europana Komisitaro kontributas financale ad esencala protekto-moyeni di Natura 2000 per subvencioni, quale la LIFE+-fonduri. L'UE LIFE+-fonduro disponas inter 2007 e 2013 por la tot Uniono Europana pri budjeto de plu kam 800 milion euro por naturo- e biologiala diverseso-projeti e projeti kun bona praktik-exempli en Natura 2000-regioni.

extera ligili redaktar

Uniono Europana redaktar