Montgolfier fratuli

On komprenas Montgolfier frati: Joseph-Michel Montgolfier, ofte nomizita Joseph (la 26ma di agosto 1740 til la 26ma di junio 1810), e Jacques-Étienne Montgolfier, ofte nominita Étienne (la 6ma di januaro 1745 til la 2ma di agosto 1799), kin yari-juniora, omna filii de Pierre Montgolfier, paperisto apud Annonay, sude Lyon, inventinti di varm-aera balono.

Acenso di balono sur Versailles, 19 di septembro 1783

Unesma demonstradoRedaktar

Ye 4 di junio 1783 ye Annonay, la fratuli, koram grupo di eminenti, unesmafoye demonstris balono qua acensis per varm aero. La flugo, senkrua, duris dum dek minuti, e la balono kovris 2 km. L'alteso esis cirkume 2000 metr. La skopo di la fratuli esis establisar lia yuro egarde la inventuro. Pos ca suceso, Étienne Montgolfier iris a Paris e facis plusa demonstradi.

Acenso di balono sur VersaillesRedaktar

Ye la 19ma di septembro 1783, fratuli Montgolfier, probante baloni qui acensis per varma aero, unesmafoye sendis balono adsupere qua portis vivanta animali: mutono, anado e hano. To eventis en Versailles, koram rejulo Louis la 16ma di Francia e rejino Marie-Antoinette. La flugo duris dum cirkume ok minuti, e la balono atingis alteso cirkume 460 metri. Ol sendomaje ri-atingis tero, e la animali posvivis. En novembro 1783 eventis l'unesma flugo di homo en balono.