Modela listo de esencala medikamenti di MOS

Modela listo de esencala medikamenti di MOS kontenas medikamenti qui konsideresas kom la maxim efikiv e sekura por satisfacar la maxim importanta bezoni di sanesala sistemo. La listo uzesas da landi por developar sua propra listo de esencala medikamenti. Depos 2016 plu kam 155 landi kompilis nacionala listi de esencala medikamenti sur bazo di la modela listo di MOS.