Mekanikal Oranjo

Mekanikal Oranjo esas filmo direktita e produktita da Stanley Kubrick en 1971, segun eponima novelo da Anthony Burgess, kun Malcolm McDowell kom la karismoza sociopato* Alex.

Afisho pri la filmo Mekanikal oranjo.

Burgess asertis ke la titulo venis de anciena frazo de la "dialekto" Cockney as queer as a clockwork orange ("tam bizara kam ula mekanikal oranjo"). Il atencigis ke la titulo inkluzis la vorto orang, Malaya vorto por "homo" (Burgess laborabis dum sis yari en Malaizia e Borneo). Pos ilu skribis ke la "titulo esus apta por ula historio pri apliko di kondicionata o mekanikala stimuli, quale rekomendita da Ivan Pavlov, ad ul organismo qua, quale frukto, povus esar 'koloroza' e 'dolca'" en refero a la negiva kondicionala responsi di Alex pri violento e sexuo qua impedis ilu exercar libera volo.

Rezumo

Situita ul epoko en la futuro che London, la filmo prizentas la kariero di adolecanto nomizita Alex (surnomo 'Delarge') inteligenta ma violentoza, qua prizis Europana klasika muziko, partikulare Beethoven, sexuo de multa sorti, e hazarda agadi kun extrema violento. Alex parolas en "Nadsat", slango qua mixas Rusa ed Angla vorti e slangi.

Tandem, Alex kaptesas e "rehabilitesas" per programo di odio-terapio, qua, malgre koaktar ilu a ne uzar violento (mem por defensar su), altralatere impedas ilu sentar plezuro per audar muziko, quale negativa efekto.