Maseru
KingswayMaseru.jpg
Kingsway, precipua strado di Maseru.
Lando: Flag of Lesotho.svg Lesoto
Informo:
Latitudo: 29º31' S
Longitudo: 27º 29' W
Altitudo: 1.600 m
Surfaco: 138 km²
Habitanti: 227 880 (2006)
Denseso di habitantaro: 1.651,3 hab./km²
Horala zono: UTC+2
Mapo:
Mapo di Maseru

Maseru esas la chef-urbo e maxim populoza urbo di Lesoto. Ol jacas exakte an la bordero kun Sudafrika. Segun statistiki de 2006, ol havis 227 880 habitanti. Entote ol havas 138 km².

Maseru vidita de la kolino Parliament Hill.

Ferovoyo ligas Maseru al urbo Marseilles, en la Libera Stato, Sudafrika. La maxim proxima Sudafrikana urbo esas Ladybrand, an l'altra rivo dil fluvio Caledon, o Mohokare. L'Universitato Nacionala di Lesoto jacas en Maseru.

HistorioRedaktar

Maseru fondesis en 1869 dal Britaniani, kande l'Unionita Rejio establisis protektorato en Lesoto, pos finir la militi inter Buri e la populo Basoto. Ol esis administrala chef-urbo til 1871, kande l'administrado transferesis a Kab-kolonio. Kande Lesoto nedependanteskis, Maseru restis lua chef-urbo. Ante la nedependo, l'urbo esis mikra, ma pos 1966 ol kreskis rapide, de antee 20 km² til la nuna surfaco, cirkume 138 km².

GeografioRedaktar

 
Estala quarteri di Maseru.

La reliefo di Maseru esas plana, jacante 1.600 metri super la marala nivelo. La fluvio Mohokare, o Caledon, separas Maseru de Sudafrika. La du landi ligesas per ponto.

La klimato di Maseru esas subtropikala kun influo dil altitudo (Cwb segun la klimatala klasifikuro da Köppen). La mezavalora temperaturo de decembro til marto (somero) esas 22°C, dum ke la mezavalora temperaturo de junio til septembro (vintro) esas 9°C. La maxim varma monato esas januaro, kande la temperaturi povas atingar 33°C.

La mezavalora yarala pluvo-quanto esas 691 mm, e la maxim pluvoza monato esas januaro, kun mezavalore 114 mm. La sika sezono iras de mayo til septembro, kande la monatala pluvo-quanto esas infre 30 mm o mem infre 20 mm.