Mérida, Mexikia
| Mérida, Mexikia | ||
| ||
| Kelk imaji pri Mérida. | ||
| ||
| Blazono | ||
| Lando: |  Mexikia
| |
| Stato: | Yukatan | |
Informo:
| ||
| Fondita ye: | 6ma di januaro 1542 | |
| Latitudo: | 20°58'N | |
| Longitudo: | 89°37'W | |
| Altitudo: | 14 m | |
| Surfaco: | 227,14 km² | |
| Habitanti: | 921 771 (2020) | |
| Denseso di habitantaro: | 3928,67 hab./km² | |
| Disto de México: | 1318[1] km | |
| Horala zono: | UTC-6 (UTC-5 dum la somero) | |
| Urbestro: | Alejandro Ruz Castro | |
 • Mérida | ||
Oficala retosituo:
| ||
| http://www.merida.gob.mx | ||
Mérida esas chef-urbo e la maxim populoza urbo dil stato Yukatan, en Mexikia.[2] Segun statistiki dil yaro 2020, ol havis 921 771 habitanti, esanta la 12ma maxim populoza urbo di Mexikia. Lua tota surfaco esas 227,14 km². Lua metropolala regiono havas entote 1 316 088 habitanti.
Mérida fondesis ye la 6ma di januaro 1542 sur restaji dil urbo T'Ho, konstruktita dal populo Maya, qua preske ne havis habitanti kande Hispani arivis. Ol judikesas kom un ek la urbi kun maxim bona vivo-qualeso di Mexikia, ed un ek la maxim sekura de la kontinento. Lua historiala patrimonio rezultas de la mixo di kulturi Maya, Hispana ed Afrikana dum kolonial epoko. La katedralo di Santa Idelfonsus, fondita en 1562 e konstruktista sur ruini Maya, esas la maxim anciena de Amerika. Lua publika universitato, Universidad Autónoma de Yucatán, esas un ek la maxim importanta di Mexikia.
En 2000, ed itere en 2017, Mérida recevis la titulo "Kulturala Chef-urbo di Amerika".
Geografio
redaktar.jpg)
Jacanta an peninsulo Yukatan, Mérida distas 35 kilometri de gulfo di Mexikia, interne tale nomizita "kratero di Chicxulub". Segun la maxim aceptata hipotezo, ta kratero, kun diametro di 180 kilometri, formacesis 65 milion yari ante nun, en evento qua rezultis l'extingo di dinosauri. Mérida esas relate plana urbo, e lua mezavalora altitudo esas 14 metri super la marala nivelo.
Lua klimato esas tropikala de savano (Aw segun la klimatala klasifikuro da Köppen), min pluvoza de januaro til aprilo. La mezavalora temperaturo en januaro (vintro) esas 18°C, kontre ke la mezavalora temperaturo en julio (somero) esas 28,2°C.
La mezavalora yarala pluvo-quanto dil urbo esas 1036,9 mm. La pluvoza sezono iras de la duimo di mayo til la komenco di novembro. La maxim pluvoza monato esas septembro, kun mezavalore 183,1 mm.
Referi
redaktar- ↑ Regionalización de Yucatán - Autoro: Enciclopedia de los Municipios de México. URL vidita ye 23ma di julio 2011.
- ↑ Principales resultados por localidad 2010 (ITER) - Autoro: Instituto Nacional de Estadística y Geografía. Dato di publikigo: 2010.