Lua (programifo-linguo)

Lua es kurtaskribala programifo-linguo kreita da Braziliani Roberto Ierusalimschy, Waldemar Celes e Luiz Henrique de Figueiredo ye 1993.

Logotipo di Lua.

Lo uzesas kom nedependanta linguo od en formo di kurtaskribajo por funkcionala extensado di programi (inter altri di Wikipedio).

Exempli

Unesma programo

print("Saluto Mondo!")

Rezulto:

Saluto Mondo!

Komando if

varieblo = 15 --varieblo deklarita por l'exemplo

if ( varieblo == 15 ) then
    print( "stando satisfacesas" )
else
    print( "stando ne satisfacesas" )
end

Rezulto:

stando satisfacesas

Bazala slingo – for

for i = 1, 10 do
   print( tostring( i ) ) --Funciono tostring( ) chanjas valoro di "i" por tipo "string"
end

Rezulto:

1 2 3 4 5 6 7 8 9 10

Bazala interakto kun uzero

print( "Saluto, quale tu nomesas?\n" ) --\n signifikas "nova lineo"
nomo = io.read( ) --Funciono io.read( ) vartas til uzero enskribos ulo, e pose retrocedos co
print( "Saluto, " .. nomo .. "." ) --Operacilo ".." juntas 2 datumi di tipo di "string"

Rezulto:

Saluto, quale tu nomesas?

[Hike on vartas ye l'enskribo dil nomo]

Saluto, [nomo].

Simpla uzo di funciono

function funciono(parametro1, parametro2) --Lineo, qua deklaras funciono

   return parametro1 * parametro2 --Klefala vorto "return" igas retrocedo di valoro per funciono

end

print(tostring(funciono(10,5))) --Expozo di rezulto (50)

Rezulto:

50