Lotringia
Lotringia (France: Lorraine, Germane: Lothringen) esis Franca regiono en la nordesto di ca lando, qua existis de 1956 til 2015.
Lotringia Lorraine (Franca) Lothringen (Germana) | ||
![]() |
![]() | |
![]() | ||
Urbi
| ||
Chefurbo: | Metz | |
Guberniestro: | Jean-Pierre Masseret (PS) (2004-2015) | |
· Entote: | 23 547 km² (2013) | |
Habitanti
| ||
· Entote: | 2 349 816 (2013) | |
Denseso di habitantaro: | 99,6 hab./km² | |
Nun parto di: | Grand Esto | |
Motivo por desaparo: | Riorganizo di la regioni Franca em 2015 |
Historio
redaktarLotringia esis estala parto di Galia, e pose konquestesis da Romana imperio. Pos la granda populmigrado dil 5ma yarcento, urbo Metz destruktesis, e lua habitanti mortigesis da Huni en 451. Ica regiono parte ripopulizesis per la Germana Franki e divenis bilingua. Pos la partigo dil Imperio di Karolus la Granda, ol divenis parto de la Germana Imperio.
En 1552, invitita da Germana princi, la rejo di Francia kaptis por la rejio Francia, la urbi Metz, Toul e Verdun, olqui divenis definitive Franca lor la paco di Westfalia (1648). En 1766, lor la morto di Stanislas, lasta duko di Lotringia, la tota regiono divenis parto dil rejio Francia. Pos ke Franca vinkesis da Prusia en 1870, la Germane-parolanta parto de Lotringia e Metz e lua cirkumajo anexesis dal Germana imperio ed unionesis ad Alzacia, tale divenante provincala lando Germana Alzacia-Lotringia. En 1918, l'anexita parto de Lotringia ridivenis Franca. En 1940, la parto anexita en 1871 administresis itere da Germani. Nacional-socialisti guidita da Gauleiter Bürckel ekpulsis la habitantaro suspektata havar Franca nacionala sentimento o nur France-parolanta a sud-Francia. Pos la duesma mondomilito, l'ekpulsiti retrovenis e la linguala Francigo progresis talgrade, ke nun Franca linguo remplasas l'anciena Germana dialekti lokala.