Long Island City

Stradi en Long Island City

Long Island City (LIC) esas rezidala e komercala vicineyo situita ye l'extrema westala pinto de Queens, New York-urbo, Usa, ye la westala bordo de Long Island.

Olua frontieri esas la vicineyo Astoria norde; l'Est-Rivero weste; Hazen-Strado, 49ma Strado, e Calvary-tombeyo en Sunnyside este; e la rivereto Newtown Creek, qua separas Queens de Greenpoint, Brooklyn, sude.

Diveninta aparta urbo en 1870, Long Island City esis originale la guvernerio-sideyo dil urbo Newtown, ante divenar parto de New York-urbo en 1898.  De la frua 21ma yarcento, Long Island City konocesis pro sua rapida e duranta rezidala kresko e meza-klasesko, apudrivera parki, e sua prosperanta arti-komuneso.  La quartero havas multa arto-gallerii, arto-institucuri, ed ateliero-spaco.

Long Island City esas l'estala termino dil Queensboro-Ponto, l'unika sen-imposta autovoyo qua konektas Queens kun Manhattan.  Nordweste del ponto esas Queensbridge Houses, developuro da la New York City Housing Authority qua esas la maxim granda publika apartamento-komplexo en la Westana Misfero.

Long Island City patroliesas dal 180ma distrikto dil Polico di New York-urbo.  Politikale, Long Island City reprezentesas da la 26ma distrikto dil Urbo-Konsilistaro di New York-urbo.