Laudator temporis acti

Laudator temporis acti esas Latina expresuro vortope signifikanta «laudero dil tempo pasinta». Per ol la Latina poeto Horatius qualifikis la oldo (Ars poetica, 173). La expresuro ofte aplikesas por qualifikar nostalgiero qua konstante parolas laudeme pri lo pasinta e blameme pri lo prezenta, quale se la prezenta generaciono esus "plu mala" kam la generacioni pasinta e, precipue, kam lua propra generaciono.

Il [Andreas Juste] hezitas kredar pri la progreso, nam multa trompi, multa erori, multa decepti akompanas ta nociono. Il es do liberala humanisto, kun veino kelke trista, quankam multempe il esas «laudator temporis acti».