Apertar la precipua menuo
La Valso di Nivofloki, fine di la akto 1ma

La Nucoruptilo (Ruse: Щелкунчик / shchelkunchik) esas baleto da Pyotr Chaikovski kun du akti, inkluze tri imaji e 15 ceni. Ol esis prezentata unesmafoye ye la 18ma di decembro 1892 en la teatro Mariinski di Sankt Peterburg sub la guido di Riccardo Drigo e kun dancifo da Lev Ivanov.

Ol esas adapturo di la versiono da Alexandre Dumas de la rakonto Nußknacker und Mausekönig (La Nucoruptilo e la Rejulo di Musi) da Ernst Theodor Amadeus Hoffmann.

Pyotr Chaikovski kompozis la muziko de februaro 1891 til marto 1892. Hodie olca sendube esas un de la maxim populara baletomuziki ed un de la maxim prizata verki da Chaikovski.