Kublai Khan

Kublai (n. 23ma di septembro 1215, m. 18ma di februaro 1294) esis fondanto di la dinastio Yuan di Chinia.

Ye la 5ma di mayo 1260, Kublai proklamesis kom Khan di la Mongola imperio, sucedanto di lua fratulo Mongke, da asembluro ye lua rezideyo en Shang-tu. (Shang-tu, o "Xanadu", esis proxim nuntempa Dolon Nor en Interna Mongolia, Chinia.) Kublai Khan esis nepotulo di Genghis Khan; Genghis kreabis la Mongola imperio qua inkluzis granda parti di centrala Azia e nordala Chinia.

La proklameso di 1260 ne agnoskesis da multa decendanti di Ghengis, qui suportis la plu yuna fratulo di Kublai, Ariq Boke. La sequanta interna milito finis en 1264 kande Ariq Boke cedis su a Kublai, qua pardonis il. La imperio augmentis dum la regno di Kublai Khan, ed inkluzis Chinia; Beijing divenis olua precipua urbo.