Kroniko di Peterborough
La Kroniko di Peterborough (Angle Peterborough Chronicle), anke konocata kom Laud-manuskripto, esas manuskripto apartenanta a tale nomizita Angla-Saxona Kroniki, qui esas l'unika informo-fonto pri la historio di Anglia pos la konquesto Normanda. Segun filologo J.A.W. Bennett, ol esas l'unika historiala kroniko skribita per prozo apartenanta al periodo inter la konquesto Normanda e la tarda 14ma yarcento.
Multa monakeyi de Angla-Saxona Anglia skribis e mantenis l Angla-Saxona Kroniki, kun skopo enrejistrar la historio di Anglia depos la nasko di Iesu Kristo. Malgre ke la Kroniko di Peterborough ne esas historio skribita profesionale, ed on devas uzar historiala texti skribita per la Latina - exemple, Gesta Regum Anglorum da William de Malmesbury - ol esas un ek l'unesma direta naraci pri la periodo de 1070 til 1154 en Anglia, skribita per l'Angla vidopunto exter rejala korto.
Ol esas anke fonto di informo pri la frua "mez-Angla-linguo". Exemple, l'unesma parto skribesis per anciena Angla linguo, tamen la duesma sequantajo ja montris diferi. Fine, la konkluzo di la duesma sequantajo klare skribesis per mez-Angla linguo. Exemple, feminala pronomo "she" (kom "scæ") unesmafoye aparis en la Kroniko di Peterborough.