Apertar la precipua menuo

Kristandemokratio, Kristan-demokratio o Kristana demokratio esas politikala ideologio religiala, varianta de centrodextra a centrosinistra, ma ofte esante moderema konservismo bazata sur religio Kristana. Partisi Kristandemokrata ofte esas social-kulturale konservista, opozante legaligo di amuziva drogi e di mariajo homeosexuala. Opozado kontre abortigo esas temo important en ula landi.

La Kristan-demokratio kreskis ek la konfesionala konservatista movadi Rom-katolik e protestanta en Europa di la tarda 19ma yarcento. Oli preferis limitar la rolo dil stato, ma anke deziris plu multa sociala reformo kam la antea konservisti. Important influanti esis papo Leo la 13ma e la Nederlandana politikisto Abraham Kuyper. La Kristandemokrati kreis sua propra sindikati, qui efektigis duranta influo sur la social-ekonomikal pensado dil ideologio.

Kristandemokrati generale suportas la stato sociala, ma ofte preferas ligar transferi pekuniala por laboristi a firmi. La frua Kristan-demokrati preferis kolektiva proprieto di firmi da laboristi, ma apogo por to esas nun tre rara.

Li statale ofte vizas grado di descentraligo, favorante la maxim lokala nivelo guverneriala qua povas agar a problemo efektive.

Kristana demokratio esas precipue fenomeno di Latin Amerika ed Europa. L'ideologio efektive ne existas en landi kun tre poka Kristani, quale en multa landi Aziana. Koalisi inter Kristandemokrata e socialdemokrata partisi nomesas granda koaliso.


Commons-emblem-trademark-issue.svg
Ica artiklo bezonas revizo gramatikala. – Ka vu povas helpar ni revizar ica artiklo?