Kornwalana pasteto

Kornwalana pasteto esas tradicionala mi-ronda pasteto qua venas de la Britaniana komtio Kornwal. Tradicionale la farsajo existas de ter-pomo, napo ed onyono (omna tri mikre tranchita) e bovajo (tranchit en mikra kubi), kun poka butro, salo e pipro segun gusto. Prezente esas multa variaji, quale kun hanajo, fromajo e vejetala. Existas anke dolca variaji, exemple kun pomo. La ferme pakigita farsajo di la vera pasteto ne esas pre-koquita, la bakajo devas esar lente koquat en la forno.

Kornwalana pasteti kom dejuno produktesis da la spozini di la ministi. En la mineyo la pasteto esis ideala pronta repasto e pro ke la nutriva farsajo esis parkovrit en pasto, oli longe restis varme. Segun historio la pasto-kovrajo protektis la nutrivo kontre la cirkumajo di la sordida mineyo e la dika pasto-krusto ne manjesis, ma servis kom 'anso' por la manjanto.