Córdoba
- Por altra loki kun la nomo Córdoba, videz Córdoba (homonimo).
| Córdoba | ||
| ||
| Kelk imaji pri Córdoba, Hispania. | ||
|
.svg)
| |
| Standardo | Blazono | |
| Lando: |  Hispania
| |
Informo:
| ||
| Latitudo: | 37°53′00″N | |
| Longitudo: | 4°46′00″W | |
| Altitudo: | 106 m | |
| Surfaco: | 1254,91 km² | |
| Habitanti: | 323 763 (2023) | |
| Denseso di habitantaro: | 259,71 hab./km² | |
| Horala zono: | UTC+1 (UTC+2 dum somero) | |
| Urbestro: | José María Bellido Roche (PP) (2023-2027) | |
Mapo:
| ||
| ||
Oficala retosituo:
| ||
| http://www.cordoba.es/ | ||
Córdoba (Ide: Kordoba) esas urbo en la sudo di Hispania ed esas la chefurbo di la provinco Kordoba. L'urbo jacas 122 metri super marala nivelo, apud fluvio Guadalquivir ed an la pedo di la montaro Sierra Morena. Segun statistiki de 2023, ol havis 323 763 habitanti, esanta la triesma maxim populoza urbo di Andaluzia. Lua tota surfaco esas 1254,91 km². Ol ank esas la maxim varm urbo di Europa: la temperaturo acensas singla yaro super 35°C.
Depos le 8ma yarcento ol konquestesis dal Arabi, e dum longa periodo esis kalifio. To igis l'urbo centro di Araba kulturo e cienco. L'enorma katedralo di Kordoba origine esis moskeo. Nun, Córdoba esas l'urbo Europana kun la maxim granda quanto di monumenti qui deklaresis "Mondala Patrimonio di la Homaro" da UNESKO. Lua historiala centro esas un ek la maxim granda de Europa, kun 246,73 hektari, havanta monumenti mem del epoko Romana.
Córdoba havas du universitati. L'Universitato di Córdoba (UCO) fondesis en 1972, ma lua origino esis fakultato di veterinarala cienci, fondita dum la 19ma yarcento. L'altra esas l'Universitato Loyola Andaluzia, fondita en 1963.
Geografio
redaktar
La reliefo di Córdoba konsistas ek regiono kun kelka kolineti sude de fluvio Guadalquivir, formacanta regiono konocata Hispane kom campiña. Norde del urbo jacas monti de montaro Sierra Morena e mikra regiono kun kelka kolineti proxim Guadalquivir. La mezavalora altitudo dil urbo esas 106 metri, e lua maxim alta punto jacas 692 metri super la marala nivelo.
La klimato di Córdoba esas Mediteranea (Csa segun la klimatala klasifikuro da Köppen), kun milda vintri, tamen kelkafoye povas eventar frosti, pro la granda disto de la maro. Someri esas multe varma, ed ordinare la temperaturi superiras 40 °C e mem 45 °C. La mezavalora temperaturo en januaro (vintro) esas 9,4°C, kontre ke la mezavalora temperaturo en julio (somero) esas 28,2°C.
Pluvas multe dum kolda monati, pro l'eniro di buraski veninta del Atlantiko, weste. La mezavalora yarala pluvo-quanto dil urbo esas 573 mm, e la maxim pluvoza monato esas decembro, kun mezavalore 90,7 mm. La maxim sika epoko iras de junio til agosto, kande pluvas min kam 15 mm omnamonate.