Saneso

Saneso esas la nivelo di funcionala o metaboliala efiko di vivanta ento. En homi, esas la stando di mento, korpo ed esprito di persono, maxim-multa-kaze signifikas esar sen maladeso, vunduro o doloro.

Astro di vivo.

La Mondal Organizuro pri Saneso (MOS) definas saneso en sua maxim larja senco en 1946 kom stando di kompleta korpala, mentala, e sociala komforto e ne simpla l'absenteso di maladeso od infirmeso. " Malgre ke ta defino esabas temo di kontroversi, specifike pro mankar operacala valoro e la problemo kreita pro l'uzo di vorto "kompleta", restas la maxim duranta. Klasifikuro kom MOS familio di internacionala klasifikuro, inkluzite Internacionala klasifikuro di funcionala, infirmeso e saneso ed Internacionala klasifikuro di maladesi, esas ordinare uzita por definar e mezurar la kompozanti di saneso.

Sistemala agadi por preventar o risanigar saneso problemi e stimular bona stando en homi esas furnisata da saneso-provizisti. Apliki pri animala saneso esas inkluzata da veterinarala medicino. La termino "salubra" esas anke larje uzata en la kuntexto di multa tipi di nevivanta organizuri e lua kontakti por la benefico di homi.

Faktori influanta en la saneso

Ordinare, la vivo-kuntexto di ula individuo afektas multe lua saneso e vivo-qualeso. Esas sempre plu agnoskata ke saneso esas mantenata e plubonigata ne nur tra l'avanco ed apliko di sanesoflego cienco, ma anke tra l'esforco ed inteligenta maniero di vivo selekti da l'individuo e socio. Segun la Mondal Organizuro pri Saneso, la precipua determinivi di saneso inkluzas sociala ed ekonomikala ambiento, fizikala ambiento, e l'individuala karakterizivi e konduti di persono.