Kolonio di la Reda Fluvio

Kolonio di la Reda Fluvio (en l’Angla: Red River Settlement) esis en granda regiono nomizita Rupert's Land, posedata da kompanio Hudson's Bay. La populo di la kolonio esis indijeni e le Métis, di qui la ancestri esis mixuro de indijena, Franca, Skota ed Angla.

La provizora guvernado di la Kolonio di la Reda Fluvio; Louis Riel esas en la centro.

Ye 8 di decembro 1869 Louis Riel deklaris la provizora guvernado di la Kolonio di la Reda Fluvio, ube Riel naskis, en nuntempa Manitoba, proxim nuntempa Winnipeg. La negociadi esis procedanta por transferar posedeso a Kanada. La eventi di 1869 sequis recenta enmigrado di Kanadani de Ontario, ed inspektado di la kolonio da Kanadana ministro. Louis Riel esis chefo di grupo de le Métis, qua opozis ca ago. En 1870 la delegiti de la provizora guvernado diskutis la afero kun la guvernado di Kanada en Ottawa. Esis konkordo egarde postuli di le Métis e plu tarde en 1870, la nova Kanadana provinco Manitoba kreesis.