Kirko en Ravattula

Ristimäki en Ravattula esas la maxim anciena loko di kirko en Finlando.

Loko

Ristimäki en somero 2016 en centro di cereala agri.

En Ristimäki di Ravattula esas la maxim anciena loko di kirko Finlandana. Ravattula situesas en la areo di Kaarina en disto di cirkume 10 km de Turku nord-este an la voyo vers Hämeenlinna. La loko trovesis autune ye 2013 per exkavo da la arkeologiala fakani dil Universitato di Turku. Nun Ristimäki ("Kruco-kolino") esas mikra bosko en centro di agri cereala.

Komence prezenta Ristimäki esabis insuleto en Baltika maro, ube dum petroepoko vivis nur chaseri pri marohundi. (Dum la pos-glaciala epoko, la sulosurfaco che la litorala areo di Finlando elevas su e nova lando kreskas kontinue.) Ja ante la Kristana ero en la areo di Ristimäki esis ne-Kristana sepulteyo, ube unesma mortinto sepultesis cirkume 100 yari ante la konstrukto di la kirko.

Pose, dum epoko di la krucovoyi (1050–1200), en Ristimäki fondesis Kristana sepulteyo. Ye la komenco di Kristana ero esis kustumala, ke ne-Kristana kultoloki prenesis a Kristana uzo. Segun la C₁₄-karbono-datizo la kirko di Ristimäki uzesis inter la yari 1180 e 1220. Tale la kirko esas datizita a la ero, kande esis la unesma kontakti inter la pre-Finlandana populeso e de-westo veninta Kristana mondumo, e kande ankore ne existis ula komuniala aktiveso.

Kirko

La edifico di la kirko havis du chambri. En la westa parto esis mikra halo ed en la esta parto esis sakristio, ube situesis la altaro. La edifico esis 6 m larja e 9,5 m longa. Ye sua ero ol esis granda edifico, qua videblesis en la peizajo fore. Nur la soklala stoni restabis de la edifico. Sur la soklala stoni eventuale esis lignoza muri, e segun la studio, la muri ne brulis. Generale nova edifico konstruktesis sur la sama loko, e tale omna savo pri la plu anciena konstrukturo perdesis. Fortunoze a la studiisti, la anciena kirko di Ristimäki nur simple abandonesis.

Generale la kirki konstruktesis por standar en sinso esta-westa, pro ke on kredis, ke la finala puniso venas de esto. La kirko di Ristimäki esas ankore konstruktita por standar en sinso sud-westa-nord-esta. Anke omna tombi troviti (c. 300) esas exkavita esar en sinso sud-westa-nord-esta. La maxim granda parto de la tombi esas an la kirko. Anke kurta segmento di stona fenco esas trovita.

Extera ligili

• Ravattula
• Kaarina Ravattula Ristimäki - Arkeologiset tutkimukset 2012 Universitato di Turku