John Logie Baird

John Logie Baird
Profesiono:	injenioro
Lando:	Skotia
Naskodato:	13 di agosto 1888
Nasko-loko:	Helensburgh, Dunbartonshire, Skotia
Mortodato:	14 di junio 1946
Morto-loko:	Bexhill-on-Sea, Sussex, Anglia

John Logie Baird (1888 til 1946) esis Skotian injenioro qua inventis la mekanikala televiziono.

Il komencabis konstruktar tala aparato en 1923, e ye 25 di marto 1925 il unesmafoye publike demonstris movanta silueti transmisata per televiziono. En oktobro 1925 il povis transmisar imaji per televiziono, ed il publike demonstris to en januaro 1926.

Il transmisis en 1927 televiziono-signalo per telefono-lineo inter London e Glasgow, ed en la sequanta yaro il transmisis imaji trans la Atlantiko, de London a New York. Pose dum kelka yari la BBC transmisis programi per la televiziono-sistemo di Baird, per qua imaji konsistis ek triadek linei.