Johann Strauss (filiulo)

Johann Strauss (n. 25 di oktobro 1825, m. 3 di junio 1899) esis Austriana kompozisto. Il esis filiulo di kompozisto Johann Strauss (patro).

An la bela blua Danubio

Ye 15 di februaro 1867 en Wien, ilua la valso An der schönen blauen Donau ("An la bela blua Danubio") esis unesmafoye audata en koncerto. Co esis pleado di versiono por koro ed orkestro, kun vorti da Joseph Weyl; il esis poeto di la Korala Societo di Wien, qua kantis en ca unesma pleado. Versiono por orkestro sola esis pleata ye la Internaciona Expozo di 1867 en Paris; ca versiono divenis sucesoza.

Die Fledermaus

Ye 5 di aprilo 1874, en Wien, ilua opero Die Fledermaus (La Vespertilio) esis unesmafoye pleata. La libreto skribesis da Karl Haffner e Richard Genée. Ol esis la triesma kompletigita opero di Strauss (pos Indigo und die vierzig Räuber en 1871, e Der Karneval in Rom en 1873), e la unesma sucesoza opero di lu. Il pose kompozis plura plusa operi, de qui la maxim famoza esas Eine Nacht in Venedig (1883) e Der Zigeunerbaron (1885).