James Bond esas fiktiva personajo e serio di libri pri lu kreita da Britaniana skriptisto Ian Fleming. Pos la morto di Fleming en 1964, 8 altra skriptisti lansis noveli pri la personajo James Bond: Kingsley Amis, Christopher Wood, John Gardner, Raymond Benson, Sebastian Faulks, Jeffery Deaver, William Boyd, e Anthony Horowitz. La personajo, anke konocata da kodexo-nombro 007 (Angle: "double-0-seven"), anke adaptesis por cinemo, televiziono, radio, videoludi e desegnita amuzo-revui.

Sean Connery pleas James Bond en la cinematografuro Diamonds are Forever, en 1971.

Ian Fleming kreis la fiktiva personajo James Bond kom centrala figuro di lua noveli. Bond esas oficisto di Sekreta Servado Britaniana, konocata kom MI6. Ilu anke konocesas por lua kodexo-nombro 007. En la cinemo, diversa aktori pleis la personajo. Un ek la maxim famoza esis Sean Connery.

Fleming skriptis la sequanta libri pri James Bond dum lua vivo. La du lasta publikigesis pos lua morto.

  • 1953 Casino Royale
  • 1954 Live and Let Die
  • 1955 Moonraker
  • 1956 Diamonds Are Forever
  • 1957 From Russia, with Love
  • 1958 Dr. No
  • 1959 Goldfinger
  • 1960 For Your Eyes Only (kurta noveli)
  • 1961 Thunderball
  • 1962 The Spy Who Loved Me
  • 1963 On Her Majesty's Secret Service
  • 1964 You Only Live Twice
  • 1965 The Man with the Golden Gun
  • 1966 Octopussy and The Living Daylights (kurta noveli)