Invado di bayo di Porki
| Invado di bayo di Porki | |||
| |||
| Kubana soldati, suportita da tanki T-34, avancas vers plajo Playa Girón. | |||
| Konflikto: | Kolda milito | ||
| Dato: | de la 17ma til la 20ma di aprilo 1961 | ||
| Loko: | Bayo di Porki (Bahía de Cochinos), Kuba | ||
| Rezulto: | Vinkeso di invaderi, qui nesucesis revokar Fidel Castro de la povo. Omna transvivinta invaderi kaptesis. | ||
 UsaKubana refujinti qui habitis Usa |
↔ |  Kuba
| |
| John Fitzgerald Kennedy Robert McNamara altra politikisti e militisti Usana Pepe San Román (kaptita) Erneido Oliva (kaptita) Félix Rodríguez |
↔ | Fidel Castro Che Guevara Juan A. Bosque Ramiro Valdés Raúl Castro Eloy Gutierrez Carlos Franqui | |
| 1500 invaderi 16 avioni B-26 Invader, 4 avioni B-26 Marauder, 45 F4U Corsair, 14 avioni por transporto di parashutisti, 5 lejera tanki M41, transporto-vehili, e 5 bateli |
↔ | 25 mil soldati 200 mil milicani 9 mil policisti 4 avioni Lockheed T-33 4 avioni Hawker Sea Fury 7 bombardoavioni B-26 Invader, tanki T-34 ed IS-2, artilrial equipuri | |
| videz texto | ↔ | videz texto | |
L'invado di bayo di Porki (Angle: Bay of Pigs Invasion, Hispane: Invasión de Bahía de Cochinos, o Invasión de Playa Girón, o Batalla de Playa Girón esis milital operaco sensucesa, qua eventis an la sudwesto di Kuba en aprilo 1961. L'invado facesis da politikala grupo Frente Revolucionario Democrático Cubano (abreviuro FRDC), konsistinta ek diversa politikala grupeti qui opozis la rejimo di Fidel Castro en Kuba, qui recevis financala suporto sekreta de Usana guvernerio. Ca operaco eventis dum la maxim intensa periodo di tale nomizita "Kolda milito", e lua falio afektis la relati inter Kuba, Usa e Soviet-Uniono.
L'invado komencis dum la nokto de la 16ma til la 17ma di aprilo 1961, da 1400 exiliti Kubana, qui uzis 4 transporto-bateli (Houston, Río Escondido, Caribe ed Atlántico). La noktala desembarko faliis, pro problemi en la motori di la bateli. La komuniki per radio inter la bateli alarmis Kubana defenseri. Kande l'exiliti arivis en desembarko-loki, eventis feroca kombati, e li perdis multa homi. Cirkume 6:30 kloki, Kuban avioni komencis bombardar la desembarko-bateli.
Ye 7:30 kloki, kin avioni C-46 ed un aviono C-54 lansis 177 parashutisti, de qui 30 proxim choseo inter Palpite e Playa Larga. Tamen, granda parto dil equipuri lansesis sur marshoza tereno, e la trupo nesucesis protektar la tereno.
Ye la matino di la 20ma di aprilo 1961, granda parto dil invaderi ja kapitulacis. L'invaderi perdis 118 homi mortinta, plusa 360 vundita e 1202 kaptita. Kubani perdis 176 soldati mortinta, e 500 plusa homi vundita. Tamen, on kalkulas ke cirkume 2000 policisti e milicani anke mortis dum kombati.