Interna milito esas milito qua eventas tote interne di un lando, naciono o stato.

Teatrala rikreo dil Usana Interna Milito

Ol esas intensa konflikto, ofte uzanta soldati, qua esas longe-duranta, organizita e grand-skala.  Interna milito povas rezultar en multa vunditi e konsumo di signifikanta resursi.  Moderna interna militi ofte inkluzas interveno da extera landi.

La skopo di un partiso povas esar kaptar la lando o regiono, atingar nedependo por regiono, o chanjar guverneriala politiko.

James Fearon, profesoro che Stanford-Universitato, definas interna milito kom "violentoza konflikto interne di lando luktata da organizita grupi qui vizas sizar la povo ye la centro od en regiono, o chanjar guverneriala politiko".

Exempli di interna militi esas l'Angla interna milito (1642–1651), l'Usana Interna Milito (1861–1865), e la Hispana Interna Milito (1936–1939).