Kristo

Kristo (de la Greka Χριστός, "ho Christos") esas titulo donata a Iesu de Nazaret (Bethlehem - Ierusalem 30 d. C.) qua uzesas kom nomo.

Kristo, da El Greco.

La titulo esas Mesio, "nomizita Kristo". La titulo Mesio uzesis en la Libro di Daniel 9:25-26 od en predico pri "Sesenta Semani". La Hebrea nomo esas מָשִׁיחַ (Māšîaḥ) "mashiach" qua signifikas "uncionata". Ta nomo uzesas por Iesu en la psalmo 2:2 ube ol parolas pri reji e principi konsultanta kontre Deo e kontre sua "Uncionata", esanta to la signifiko dil nomo "Kristo".

Kristo segun diferanta religii

Kristo segun judaismo

La Judi tradicionale judikis Iesu kom un ek la nevera mesii qui aparis dum lia historio. Li vidas ilu quale un ek la maxim influinta super lua populo e, pro to, qua produktis la maxim granda domajo. Tamen, pro la doktrino pri l'arivo dil Mesio ne esar centrala por judaismo, la diskuto pri kande ilu arivus ne esas importanta por la judi.

Judaismo nultempe aceptis nulquanta predico ke la Kristani dicas ke atribuesas Iesu. Tamen interdiktas adorar ulu pro esar konsiderata kam idolatrio e la centrala kredo je judaismo esas l'absoluta uneso e singuleso di Deo.

Judala eskatologio indikas ke la veno di la Mesio akompanesos per serio di partikulara eventi qui ankore ne eventis:

• riveno di omna judi al Promisita Tero
• rikonstruktado dil Templo
• ero di paco e kompreno in qua "la konoco di Deo" plenos la Tero.

Judaismo dicas ke Iesu ne pocas esar kandidato por esar Mesio pro ke dum lua vivo eventis nulo ek ta eventi.

Existas kurento nomizita mesiala judaismo - ne aceptita da la tradiciala judaismo - qua subtenas ke Iesu esus la Mesio. Li ne kompartas la visiono di resta dil Judi ke dum lia vivo ne sucesis nulu dil eventi qui le judaisti kredas esar predicita en Biblio e dicas ke la mesiala predicaji kumplesas en Lua persono.

Kristo segun kristanismo

Kristana religii kredas ke Deo manifestis su a la Judi en la persono di Iesu de Nazaret, 753 yari pos la fondo Roma. Por Kristani, Iesu esas filio di Deo en homala formo, e sub ca formo Kristo revelis su a la habitantaro di Israel.

Kristo segun Islamo

En la Korano, Iesu ne esas filio di Deo. Por Mohamedani, lu esis profeto, ne esis uniko ed il ne esas filio di Deo, nam Deo esas uniko, e ne nek havas filii, nek povas asociesar ad altra dei.