Ido-klosho di abadeyo 'Santa Maria in Mamma' (Badiola)

L'Ido-klosho di abadeyo di Santa Maria in Mamma en San Giovanni Valdarno (Italia), esas klosho kun inskripturo en Ido.

Giacomo Meazzini esas la paroko qua restaur(ig)is en 1934 l'anciena kirko di Santa Maria in Mamma (Badiola), komuneso di San Giovanni Valdarno, diocezo Arezzo. Il rikonstruktigis la klosho-turmo. La kirko e turmo esas preske tote destruktita pro la bombardo di 1944. Esas tre probable ke la klosho ne plus existas.

Sur la klosho ipsa skribesis en Ido: "Imensa Deo omnopovanta, glorio laudo honoro kompleta per Idiomo di Omni. E plena feliceso joyigez omna humana kreature en ica mondo, vivanta e vivinta ; Iti precipue hike gratitudoze mencionita, qui noble kontributis ; eternizez la memoro di kosmoglota pioniri nur pia klosho de alta turmo difuzanta omnaloke die e nokte sonora ondi di sublima idealo : Ido !".^[1]

Referi

↑ Storia e immagini di San Giovanni Valdarno tra Ottocento e Novecento / testo di Dino Porri ; cartoline [della collezione] di Mauro Miniati. - Fiesole : Servizio Editoriale Fiesolano, 1999 (San Giovanni Valdarno : Tipografia Valdarnese). - 167 p. : ill. ; 27 cm. (San Giovanni Valdarno 700 ; 2)

[1] Storia e immagini di San Giovanni Valdarno tra Ottocento e Novecento / testo di Dino Porri ; cartoline [della collezione] di Mauro Miniati. - Fiesole : Servizio Editoriale Fiesolano, 1999 (San Giovanni Valdarno : Tipografia Valdarnese). - 167 p. : ill. ; 27 cm. (San Giovanni Valdarno 700 ; 2)

[1]